MOEVT NEWS&EVENTS

Kukamilika kwa Mradi wa ujenzi wa Skuli za ghorofa zinazoendelea kujengwa Unguja na Pemba kutatatua changamoto ya uhaba wa Madarasa na wingi wa Wanafunzi katika Skuli mbali mbali.

Akikagua Miradi hiyo katika Mkoa wa Kusini na Mkoa wa Kaskazini Pemba Makamu wa Pili wa Rais wa Zanzibar Mhe. Hemed Suleiman Abdulla amesema Serikali ya Mapinduzi ya Zanzibar imeamua kujenga Skuli hizo za ghorofa ili kuhakikisha changamoto ya uhaba wa Madarasa inamalizika pamoja na kuborosha mazingira ya kujifunzia na kufundishia.

Amewataka wakandarasi na washauri elekezi wa miradi hiyo kuongeza kasi katika ujenzi ili kuhakikisha wanamaliza kwa wakati uliopangwa na kwa ubora wa hali ya juu na Skuli hizo zifunguliwe mwanzoni mwa Mwezi Januari mwaka 2024 ili wanafunzi waweze kusomea .

Mhe. Hemed amewaeleza wakandarasi wa Skuli hizi kuwa Serikali ya mapinduzi ya Zanzibar imetenga fedha zote za miradi hiyo na kusema kuwa chamgamoto yoyote itakayojitokeza Serikali itaitatua kwa haraka sana.

Lire la suite...

Makamo wa Pili wa Rais wa Zanzibar Mhe.Hemed Suleiman Abdulla, amewataka wazazi na walezi nchini kuendelea kuwaruhusu vijana wao kushiriki katika michezo, ili kuimarisha ufahamu katika mafunzo yao.

Amesema iwapo wanafunzi watashiriki kikamilifu katika michezo  wataweza kuongeza mbinu na kujiamini pamoja na kuimarisha akili zao wakati wa mafunzo.

Makamu wa Pili wa Rais ameeleza hayo wakati wa Kilele cha Tamasha la 59 la Elimu Bila Malipo 2023, hafla iliyofanyika katika Viwanja vya Skuli ya Sekondari Fidel Castro.

Aidha amewasihi wanafunzi hao kulinda na kuendeleza mila na silka za wazanzibari, wakati wote wanapokua katika michezo sambamba na kudumisha amani.

Lire la suite...

Wizara ya Elimu na Mafunzo ya Amali Zanzibar imesema, Itaendelea kuimarisha ushirikiano uliopo kati  ya Wizara ya Elimu na Mafunzo ya Amali  Zanzibar na Wizara ya Elimu Sayansi na Teknolojia,   ili kuwapatia elimu bora na yenye kukidhi mahitaji  wanafunzi wa pande zote mbili.

Naibu Waziri wa Wizara hiyo Mhe. Ali Abdul gulam Hussein, ameeleza hayo alipokuwa akizungumza na Walimu wa Jumuiya ya Walimu Wanawake wa  Manispaa ya Morogoro waliofika zanzibar kwa ziara maalum huko katika Ukumbi wa Wizara ya Elimu na Mafunzo ya Amali Mazizini Unguja.

Amesema, Malengo ya Waasisi wa Nchi ya Tanzania ni kujenga umoja ambao utaleta maendeleo katika nyanja mbali mbali za kiuchumi ambayo chimbuko lake ni elimu.

Aidha Mhe. Gulam amewakumbusha walimu hao kutembelea zaidi maeneo ya kihistoria kwa ajili ya kuitangaza vyema zanzibar ili wanafunzi wa huko nao wawe na hamu ya kutembelea zanzibar kutokana na utamaduni na vivutio vyake.

Lire la suite...

Amesema hayo Meneja Rasilimali watu Tawala na Mipango Bi. Khadija Masoud Haji ambae pia  kaimu Mkurugenzi wa bodi ya Huduma za Maktaba,  akizungumza na Balozi wa Marekeni nchini Tanzania huko ofisini kwake  Mjini Unguja.

Amesema, Ili kuweza kusonga mbele katika Sekta ya Elimu basi ipo haja ya kuwa na mashirikiano mazuri na wadau mbali mbali wa Elimu.

Amesema, Bodi ya huduma za Maktaba Zanzibar, bado inahitaji mashirikiano ya kutosha ikiwemo upatikanaji wa Vifaa ili kuweza kutoa huduma bora kwa jamii.

Lire la suite...

Mkuu wa Mkoa wa Kaskazini Pemba Salama Mbarouk Khatib, amezindua rasmi tamasha la elimu bila ya malipo, na kuwataka wanamichezo kufanya michezo kwa amani, utulivu na mshikamano.

Amesema kuwekwa kwa Wanafunzi kutoka Mikoa yote mitano ya Zanzibar, kukaa sehemu moja kunapelekea kujuana, kuendeleza amani na mshikamano baina yao.

Mhe.Salama  ameeleza hayo katika viwanja vya michezo Chuo cha mafunzo ya amali Vitongoji Wilaya ya Chake Chake, wakati wa uzinduzi wa tamasha la 59 elimu bila ya malipo mwaka 2023 Kisiwani Pemba.

“Sisi viongozi wenu munaotuona hapa tupo kitu kimoja, sasa na nyinyi wanafunzi kuwepo kwenu hapa kutoka maeneo tafauti ni kuendeleza umoja, amani na mshikamano ndani yake,”amesema.

Aidha mkuu huyo amesema michezo ni afya, hujenga umoja na heshima, hivyo kushiriki michezo kwa wanafunzi isiwe sababu ya kwenda kinyume na maadili ya kizanzibari.

Lire la suite...